Hirup Lir Ibarat Langlayangan

 Nu ngaranna kahirupan di alam dunya, teu aya anger, pasti keuna ku robah. Hirup lir ibarat langlayangan, aya mangsa di handap aya mangsa di luhur. Kudu sadar, sabab mun teu sadar mah pasti bakal loba jalma  nu hirupna pinuh ku humandeuar, ngarasula, putus asa. 

Di dunya mah moal aya nu abadi, nu abadi ngan wungkul Allah Subahanahu wa Ta'ala nyalira. Datang tuluy ilang. Bijil orok, jadi budak, dewasa, kolot, tuluy maot. Hirup moal salawasna senang, pasti bakal tinemu susah. 

Nu penting mah urang kudu tumarima kana sadaya pamaparinan Gusti Allah nu mangrupa kani'matan nu teu kendat-kendat ti mimiti dina kandungan nu jadi indung nepika lahir jeung salila hirup di dunya.